***လွတ်ရက်-ခုတိုင်***(ငွေတာရီ)
လွတ်ရေးကို အပိုင်ခဲလို့
တိုက်ပွဲတဲ့ ဘာမထီ
နွှဲ့ခဲ့လီလီ။
လွတ်ရောင်ခြည်
ကြည်ကြည်ခဲ့ပြန်တော့။
ဗိုလ်ချုပ်ကယ် သူမရှိလို့
ဆွေးမိပြန်ပေါ့။
လွတ်ရမည်တဲ့ လွတ်ရမည်။
ဒီလမ်းကို ဒီလိုလိုက်
မိုက်ကြနဲ့တည်။
သွေးမြေကျ အာဇာနည်
မြှော်ရည်လို့ ဆောင်ပြ။
တိုင်းချစ်မောင် လူတသင်းရယ်
နင်းလိုက်ပါကြ။
နင်းခဲ့ပြီတဲ့ နင်းခဲ့ပြီ။
လွတ်ရေးဆို ဒီစခန်း
လမ်းဖြောင့်ဖြောင့်ညီ။
ချခဲ့တဲ့ သွေးနီနီ
ချီပါတော့ ဤလမ်း။
လမ်းခွဲကို မောင်မလိုက်နဲ့
တိုက်ရိုက်သာ လှမ်း။
လွတ်ရက်တဲ့ ခုတိုင်။
ဝဋ်ဆိုး ကျွန်သံသာက
တို့ဗမာ သေချာကျွတ်တယ်
လွတ်ဆုတဲ့ပိုင်။
လွတ်ပန်းခိုင်
ဆွတ်နိုင်ခဲ့ပါပေါ့။
အာဇာနည် ဗိမာန်နန်းဆီက
စိတ်ဘ၀င် ကြည်ရွှင်လန်းလို့ရယ်
(ဗိုလ်ချုပ်ရေ) ၀မ်းမြောက်ပါတော့။
(ငွေတာရီ)
မဖတ်ဘူးသေးတဲ့မိတ်ဆွေတွေအတွက် တင်ပြပေးလိုက်ပါသည်
No comments :
Post a Comment